كيف تستغل الإجازة ؟ وماهي الاشياء المفيدة الممكن تعملها؟

1-  الأولي تجيب ورقة وقلم وتكتب كل الهوايات اللي عندك والحاجات اللي انت بتحب تعملها بس الدراسة كانت منعاك منها وأي حاجة بتحبها حتى لو بسيطة زي إنك تروح تزور حد من قرايبك !

 -2قدامك طريقين  إما تمشي في الحاجات اللي انت كتبتها دي كلها مع بعضها  إما  انك تخلص من حاجة بعدين تمشي على اللي بعدها  , الموضوع راجع لشخصيتك أنت , في ناس بتمل بسرعة فالبحبوا  يأخذوا كل حاجة مع بعضها.

 -3حاول تبقى منطقي وانت بتكتب , ما تقول حخلص كورس انجليزي في اسبوعين! ولا حخلص حفظ 5 أجزاء! ولا هجري كل يوم .. وفي الآخر ما تعمل حاجة.

-4 اللي حتعمله كل يوم لازم تكتبه ,معظمنا وقت الامتحانات قبل الإجازة ما تبدأ بتيجي على باله حاجات , بتقول بقى انا بس مستني الإجازة وحعمل كذا وكذا . تيجي الإجازة تبقى قاعد ف البيت مبتعمل أي  حاجة ومكسل تعمل حاجة دا عشان انت ما كاتب اللي عاوز تعمله على ورقة  صدقني دي خطوة مهمة مهمًا كنت حابك الموضوع في دماغك.
 5-  حكتب شوية حاجات ممكن تخلص في أجازه نص السنة (اسبوعين) مع شوية لينكات مفيدة .
6 - لو أنت مهتم بالـ Theoretical Physics  والنسبية والأبعاد والثقوب السوداء والحاجات اللطيفة اللي قشور منها في فيلم Interstellar دي ممكن تمسك الموقع ده (world science u) في الإجازة تخلصه. حتلاحظ أول سيكشن لو اشرت عليه حتلاقي عناوين عامة على شكل notes كده. لو دوست على أي عنوان منهم هيجيبلك بقى التفاصيل كل تفصيلة بفيديو 3 دقايق 4 دقايق بيشرح فيه الموضوع بشكل بسيط ..
الموقع ده اللي عامله عالم اسمه Brian Greene وكان عامل فيلم وثائقي قبل كده مكون من 3 حلقات عن كل المواضيع دي وبدايتها,اسمه Elegant Universe بيتكلم فيه عن كل حاجة وعن النظريات اللي اتعملت كلها باسلوب شيق جدًا, واللينك بتاع الـ 3 فيديوهات من هنا        (Scientific Unity)
-7 في عالم اسمه Tyson لسه عامل مجموعة أفلام وثائقية , بالضبط 13 فيلم  إسميهم Cosmos فعلًا من أعظم ما تم إنتاجه من مدة كبيرة , الموضوع هدفه إنه يرجع للناس شغفهم للعلم تاني سواء انت نسيت أهمية العلم دا بسبب مواد الجامعة العقيمة أو مش مهتم اصلا أو حتى مهتم!
وأيًا كان تخصصك بيتكلم في البيولوجي والكواكب والفضاء والتاريخ والفلسفة والفيزياء والكيمياء وكل شئ تقريبًا بمشي  في كل فيديو رحلة لمكان معين مثلا كأنك بتشوف فيلم ، وبشرح كل حاجة تقريبًا بأسلوب بسيط جدًا لو كل يوم حلقة صدقني بتطلع شخص تأني اللينك من هنا (kickass.so)
 -8لو بتحب الأدب العربي مكن تمسك حلقات الراجل العلامة ده (الشيخ سعيد الكملي) تخلصها

ويا سلام لو تخلص البلاي ليست دي  (20 talks ted)  عليها أشهر عشرين talk على .ted
 -9لازم تاخدلك كورس أون لان في أي مجال أنت بتحبه  كل اللي حتعمله إنك تكتب اسم الموضوع في جوجل بالإنجليزي وتحط جنبيه كلمة  MOOC
حيجيلك الكورسات الاون لاين اللي عليه كلها أو تابع الهاش تاج ده: ‪#‎MOOCs  و ممكن تشوف في قسم خلك شفت كورسات بتنفعك
ودي شوية اقتراحات لكورسات أون لاين حلوة:

- Learning How To Learn
- Fundamentals Of Neuroscience Part I
وده مقدمة بسيطة عن علم الأعصاب ساهل وأي حد ممكن يطلع عليه ويفهمه بسرعة ويخلص كله في اسبوع .. مدة كل فيديو صغيرة جدًا والشرح رائع ..
- From the Big Bang to Dark Energy
وده زي ما واضح من اسمه ولا اقولك خش انت ع اللينك واستكشف بنفسك!
- Programming Methodology
وده أساسيات البرمجة بعد ما تخلصه تبقى خلصت لغة Java وتعرف تعمل فيس بوك لوحدك! ‏‎

-10 ما ينفع الإجازة دي تعدي عليك من غير ما تعمل Challenge!
الـ Challenge ده بيكون  يوم  3 أيام ,اسبوع , اسبوعين , شهر, سنة .  وهي حاجه بيعملوها  بلاد بره عشان يغيروا حاجه في شخصيتهم مش قادرين يتخلصوا منها  .زي السجاير كدا اي عاده سيئة او عشان يكتسبوا مهارات جديدة ..